Cyngerdd y Pasg 2010
Ar y Sadwrn cyn y Pasg, yn Eglwys y Santes Fair, Y Trallwng, cafwyd perfformiad gwefreiddiol o’r ‘Caneuon Cysegredig’ gan Karl Jenkins. Casgliad o saith cytgan o’i weithiau corawl yw hwn, gan gynnwys ‘In Paradisum’ a ‘ Wylodd y Fam’.
Yna cafwyd detholiad o oratorio Haydn, ‘Y Greadigaeth’, gyda gwaith unawdol ardderchog gan Kate Griffith (soprano) a Christopher Barnes (tenor) a’r cwbl yn cyrraedd uchafbwynt gwych gyda’r cytgan ‘Y Nefoedd sy’n Datgan’.
Dechreuwyd yr ail hanner gyda motet Mendelssohn ‘Clyw fy ngweddi’, gyda Kate Griffith yn ein cyfareddu gyda’r unawd ‘Adenydd colomen pe cawn’. Dilynnodd Kate hyn gyda perfformiad disglair o ‘Can y gemau’ (Faust) gan Gounod. Dewisodd Christopher Barnes hen ffefryn arall, sef ‘Lle cerddi di’ (Handel) a gwnaeth gyfiawnder llawn a’r aria adnabyddus hon.
Y cyfeilydd ar yr organ a’r piano oedd Tim Stuart, ac yr oedd ei gyfraniad i’r noson yn amhrisiadwy.
Cynhaliwyd y cyngerdd i godi arian i gangen Sir Drefaldwyn o Parkinson’s UK, yr elusen sy’n cynnal aelodau lleol, ac yn hybu ymchwil i’r clefyd. Yn yr egwyl, cafwyd sgwrs fer gan Glyn Davies, cadeirydd y gangen, am waith y gymdeithas.
Cantorion Cegidfa yn creu
ysbryd y Nadolig
Ymunodd plant Ysgol Cegidfa
a’r Cantorion ar nos Fercher Rhagfyr 16eg i ddod ag ysbryd y Nadolig i’r
gynulleidfa yn eglwys St. Aelhaiarn gyda rhaglen o garolau a chaneuon tymhorol
eraill. Canodd y plant Have yourself a
merry Xmas, a thair carol gyda’r cor gan gynwys gosodiad newydd o I saw three ships. Ar gais y Parch Roger Bird, cafwyd encore o’i hoff gan, Run,
Rudolf run, gyda symuniadau cymwys!
Cafwyd gwin twym a minspeis
ar ol y cyngerdd trwy garedigrwydd chwiorydd yr eglwys. Hwn oedd cyngerdd
Nadolig olaf y Cantorion yn 2009, yn dilyn Selattyn ar Rhagfyr 5ed a
Llanfechain ar y 12fed, lle helpwyd y gymuned leol i ddathlu agoriad eu Neuadd
Goffa newydd. Profodd y neuadd yn lleoliad ardderchog i’r cor, a mawr oedd
gwerthfawrogiad y gynulleidfa. Cyfeilwyd I’r cor ar y piano a’r organ gan Joan
Upton-Holder a’u cyfeilydd arferol, Pam Yapp. Yr arweinydd oedd Gerry Howe.
Ail-gychwynir ymarfer dydd Mercher Ion. 6ed, i baratoi ar gyfer Cyngerdd y Pasg
yn Eglwys y Santes Fair, Y Trallwng ar Mawrth 27ain, a fydd yn cynnwys
cerddoriaeth gan y cyfansoddwr Cymreig, Karl Jenkins.
