Cantorion Cegidfa

Llywydd: Christopher Booth-Jones

Cyfarwyddwr Cerdd: Gerry Howe

Cyfeilydd Ymarfer: Pam Yapp

Cor cymysg o ryw ddeugain o leisiau yw’r Cantorion, yn tynnu eu heulodau o’r canolbarth o amgylch Y Trallwm, Y Drenewydd, a Chroesoswallt. Fe gynnwys eu rhaglenni gerddoriaeth yn tarddu o’r unfed ganrif ar bymtheg hyd yr unfed ganrif ar hugain, gan gyfansoddwyr mor amrywiol a Bach a Bernstein i Mozart a Mathias, yn ogystal a thoreth o gerddoriaeth ysgafn.  Dros y blynyddoedd, codwyd miloedd o bunoedd i elusenau lleol a chenedlaethol, a chafwyd cryn dipyn o lwyddiant mewn cystadleuthau corawl.

Ffurfiwyd y cor dros ddeng mlynedd ar hugain yn ol, pan holltodd y Guilsfield Amateur Dramatic Society yn ddau grwp. Dyma darddiad y Guilsfield Concert Party dan arweiniad Bethan Scotford, a ddaeth yn boblogaidd iawn gyda’u rhaglenni ysgafn.

Wedyn, penodwyd Audrey Beeston yn Gyfarwyddwr Cerdd a newidiwyd enw’r grwp i Cantorion Cegidfa. Dan arweiniad Audrey, buan y daethy cor yn adnabyddus am eu safonau cyson a’u rhaglenni diddorol. Ar ymddeoliad Audrey yn 1996, penodwyd Susanne Edwards fel ei olynnydd, ac yn ystod  ei deng mlynedd wrth y llyw, cafwyd llawer o berfformiadau diddorol a graenus.

Cychwynnodd Gerry Home fel cyfarwyddwr yn 2006. Hyfforddwyd Gerry yng Ngholeg Cerdd Llundain, ac yng Ngholeg y Drindod, Llundain. Mae’n gweithio ar ei liwt ei hun fel athro cerdd, arweinydd a threfnydd. Mae’n Organydd a Chorfeistr yn Eglwys Sant Pedr yn Prestbury ac mae’n arwain Cor Siambr Cantiones yn Croesoswallt.

Dan ei gyfarwyddyd, mae’r cor wedi datblygu’n sylweddol gan ehangu eu rhaglenni i gynwys  cyfanweithiau fel Requiem Faure a Crucifixion Stainer.

Mae’r Cantorion yn perfformio cyfres o gyngherddau bob blwyddyn – cyngherddau at y Pasg a’r  Nadolig, a Chyngerdd-swper o gerddoriaeth ysgafn ddechrau’r haf.

Maent hefyd yn barod, pan mae’n bosibl, i berfformio am bris rhesymol i godi arian at elusenau, neu i ganu mewn priodasau, etc.

Cynhelir ymarferion ar nosau Mercher  am 7.30 pm yn yr Hen Ysgol yn Cegidfa. Croesewir aelodau newydd: dim prawf llais yn angenrheidiol !